Gezuar Vitin e Ri 2023 🎊 Happy New Year!! Qoftë nje vit i mbarë për të gjithë ju! Shëndet e dashuri paçi kurdoherë.
Faleminderit faktor.al
"Njeriu i vitit 2022", Princ Leka - për kontributin e mbrojtjes së Interesit Kombëtar -
www.faktor.al
Redaksia e Faktor dhe bashkëpunëtorët e jashtëm kanë votuar si “Njeriu i vitit 2022”, LTM Princ Leka II. Është vlerësuar kontributi i Tij për paqtuar shqiptarët në konflikte me njëri-t...
Të dashur miq dhe besimtare, ju uroj Gëzuar Krishtlindjen!![]()
Në këtë festë të ndritshme, unë ju uroj paqen dhe të mirën, suksesin dhe shëndetin e mirë. Le të mbushet shtëpia juaj me ngrohtësi dhe rehati. ![]()
![]()
Sot është edhe Dita e Triumfit të Legalitetit, ku kujtojmë përjete me Ndërim dhe Mirënjohje Mbretin e Shqiptareve Zog I . ![]()
![]()
Për koincidence, sot festohet në kalendarin ortodoks dhe Shën Ahmeti. Gezuar!
Sot është një ditë e bukur për Shqipërinë, një ditë që e presim prej shumë dekadash, një ditë që prindërit dhe gjyshërit tanë kanë bërë çkanë mundur për ta parë të bukur si sot. I uroj suksese vendit tonë në rrugëtimin europian, çelur si premtim paqeje dhe zhvillimi të qendrueshëm për mbarë kontinentin! Në krye të herës së këtij procesi ishin “Etërit themelues”, portretet e të cilëve stolisin sot shumë hijshëm bulevardin e madh të Tiranës, vizion i Mbretit Zog, një arterie që mishëron në këtë ditë përparimin e Shqipërisë drejt Europës. Mes këtyre portreteve më pëlqen të veçoj atë të Joseph Bech, një nga “Etërit themelues të Europës”. Përpara se të kthehej në një prej frymëzuesve të projektit të parë europian si pjesëmarrës në Konferencën e Mesinës më 1955, pararendëse e Traktatit të Romës të 1957-ës, Joseph Bech pati qenë Kryeministër energjik i Dukatit të Madh të Luksemburgut në vitet 1930. Në ato vite ai u dekorua nga Mbreti Zog I me kordonin e madh të Urdhrit të Skënderbeut. Një simbol që tregon vijimësinë e marrëdhënies mes Shqipërisë dhe Perëndimit që aq shumë jemi përpjekur të ndërtojmë me mijëra sakrifica dhe që sot shfaqet më e konsoliduar se kurrë. E paç të mbarë e të frytshëm rrugëtimin tënd drejt shtëpisë së përbashkët europiane, Shqipëri! 🇦🇱 🇪🇺
Të dashur motra dhe vellezër,![]()
![]()
Ju uroj, gëzuar përvjetorin e pavarësisë, këtë ditë ku sejcili prej nesh, përulet me nderimet më të madha përpara flamurit tonë dhe përpara atyre që bënë të pamundurën që Shqipëria të jetë një vend i pavarur.![]()
![]()
Përpara 110-vitesh, gjashtë Fuqitë e Mëdha europiane diskutonin nëse shqiptarët do të kishin një shtet të tyrin dhe, nëse po, sa pak apo sa shumë territore dhe popullsi shqiptare do të flijoheshin për hir të ekuilibrave diplomatikë ndërkombëtarë.![]()
Pas një jave, më 6 dhjetor, shteti shqiptar do të presë dhe bujtë krerët e shteteve dhe qeverive të 27 vendeve të Bashkimit Europian dhe të 5 vendeve të rajonit të Ballkanit Perëndimor.![]()
Kontrasti nuk mund të ishte më elokuent dhe krenaria e bashkëkombasve të mi nuk mund të ishte më e madhe dhe legjitime.![]()
![]()
Uroj, me këtë rast, që frytet e këtyre arritjeve, pak kohë më parë të paimagjinueshme, meritë për të cilat kanë të gjithë shqiptarët pa dallim, të jenë të prekshme në çdo territor, për çdo komunitet, për çdo shtresë, dhe për secilin e secilën, që të ëndërrojnë, ndërtojnë, dhe gëzojnë jetën e tyre në Shqipërinë tonë të dashur - shtëpinë tonë të përbashkët, amanetin e stërgjyshërve tanë dhe premtimin tonë për brezat që na pasrendin.![]()
![]()
Sot, bashkëkombas të mi, duhet të jemi krenarë për çdo arritje me të drejtën tonë legjitime, me mbështetje të faktorëve tanë aleat ndëkombëtar, e gjithashtu ne sot, duhet të jemi më të bashkuar e më në harmoni me njëri tjetrin, në shërbim të interesit kombëtar e të çdo shqiptari në të gjitha trojet e tyre e kudo ku ata gjenden.![]()
![]()
Gëzuar Ditën e Flamurit!