Nëna e Kombit – Albanian Royal Family

Nëna e Kombit , Nëna Mbretëreshë SadijeToptani

Historia e familjes Mbreti Zog Mbretëresha Geraldine Princeshat shqiptare Mbreti Leka Mbretëresha Suzane Nëna Mbretëreshë Sadije Toptani Rezidencat Mbretërore

Nëna e Kombit

Nëna Mbretëreshë Sadije Toptani lindi në Tiranë më 1876 dhe ndërroi jetë në Vilën Mbretërore në Durrës më 25 Nëntor 1934.

Sadije Toptani ishte pjesëtare e derës së madhe të Toptanasve. Ajo ishte e bija e Emin Bej Toptanit I cili u martua me Fitnete Toptanin. Në moshë fare të re, ajo u martua me Xhemal Pashë Zogun, në derën e madhe të familjes Zogu në krahinën e Matit. Pasi bashkëshorti I saj ndërroi jetë më 1908, e ardhmja e familjes u mbështet në duart e Sadijes, e cila u kujdes për shtatë fëmijët e saj. Ajo pati gjashtë vajzat dhe djalin e vetëm Ahmet Muhtar Zogu, I cili do të bëhej Mbreti I Shqipëtarëve. Nëna Mbretëreshë shquhej për një forcë të jashtëzakonshme. Ajo jo vetëm u kujdes për administrimin e pronave, por gjithashtu mbrojti pozicionin udhëheqës të familjes në Mat ndaj politikave klanore. Fëmijët I rriti dhe edukoi me ndjenjën e patriotizmit dhe përkushtimit në çështjen kombëtare.

Pasi djali I saj u shpall Mbret nga Asambleja Kushtetuese më 1928, ajo mori titujt Nëna e Kombit si edhe Nëna Mbretëreshë e Shqiptarëve. Sadije Toptani u bë zyrtarisht mbrojtësja dhe garantuesja e të drejtave të gruas shqiptare. Për Mbretin Zog ajo ishte këshilltarja dhe udhërrëfyesja më e besuar. Fjala dhe mendimet e saj respektoheshin dhe vlerësoheshin në masë.

Nëna Mbretëreshë ndërroi jetë në Vilën Mbretërore në Durrës më 25 Nëntor 1934. Ajo u përcoll për në Mauzoleumin Mbretëror ngritur në kodrat e liqenit të Tiranës një ditë më pas. Një nga aktet e para të hyrjes së brigadave komuniste në Tiranë më 17 Nëntor 1944 ishte shkatërrimi I këtij varri monumental. Më 17 nëntor 2012, me rastin e 100 vjetorit të pamvarësisë, Mauzoleumi Mbretëror u rindërtua sipas arkitekturës origjinale nga qeveria shqiptare.

Nëna e Kombit , Nëna Mbretëreshë SadijeToptani

40 Datat historike të familjes Mbretërore dhe Mbretit Zog

8 tetor 1895, në Burgajet të Matit lindi Ahmet Xhemal Zogu.

1903, Zogu studioi në Shkollën Gallata Saraj në Stamboll.

1908, vdes babai i tij, Xhemal Pashë Zogu.

1911, Zogu rikthehet në Shqipëri për të udhëhequr një revoltë kundër pushtuesit osman.

1912, Zogu merr pjesë në Shpalljen e Pavarësisë së Shqipërisë si delegat.

1912, Zogu luftoi kundër ushtrisë malazeze në kodrat e Kakarriqit.

6 gusht 1915, në Budapest lindi Mbretëresha Geraldine e shqiptarëve.

3 mars 1916, Zogu shpall një kongres kombëtar kundër të gjithë pushtuesve.

Dhjetor 1916, Zogu merr pjesë në kurorëzimin e Karlit I Kajzer (Perandor) i Austrisë dhe Mbret i Hungarisë.

21-31 janar 1920, Zogu merr pjesë në Konferencën e Lushnjës ku bëhet ministër i Punëve të Brendshme.

Prill 1921, Zogu zgjidhet deputet në zgjedhjet e para të lira në Shqipëri.

4 nëntor 1921, Zogu emërohet komandant i operacioneve kundër Mbretërisë së Serbisë në lindje të Shqipërisë.

Dhjetor 1923, Zogu zgjidhet anëtar i Asamblesë Kushtetuese.

2 dhjetor 1923, Zogu bëhet Kryeministër dhe ministër i Punëve të Brendshme.

25 shkurt 1924, Zogu jep dorëheqjen nga posti i kryeministrit dy ditë pas një atentati për vrasje ndaj tij.

10 qershor 1924, pas kryengritjes së Fan Nolit, Zogu detyrohet të mërgojë.

24 dhjetor 1924, Zogu rikthehet në Tiranë, pas triumfit të lëvizjes “Legaliteti.

31 janar 1925, Ahmet Zogu shpallet President i Republikës së Shqipërisë.

1 shtator 1928, Asambleja Kombëtare e shpall Shqipërinë Monarki Kushtetuese dhe Ahmet Zogu merr titullin “Mbreti Zog i Shqiptarëve”.

20 shkurt 1931, Mbreti Zog i mbijeton një tentativë për vrasje në Vjenë.

25 nëntor 1934, Mbretëresha Sadije, nëna mbretëreshë, vdes në moshën 58-vjeçare në Durrës nga kongjestioni i mushkërive.

12 janar 1936, Princesha Sanije martohet me Princin Abid të Turqisë.

27 prill 1938, Mbreti Zog martohet me Konteshën Geraldine Apponyi.

5 prill 1939, lind Princi Leka, trashëgimtari i kurorës (më pas Madhëria e Tij, Mbreti Leka).

7 prill 1939, Italia fashiste pushton Shqipërinë.

9 prill 1939, Mbreti Zog detyrohet të largohet në mërgim.

27 qershor 1940, Familja Mbretërore largohet për në Angli nëpërmjet portit të Bordosë. Ian Faming (më vonë do të bëhet autor i famshëm i James Bond) ndihmoi në përgatitjen e udhëtimit.

Janar 1946, Familja Mbretërore largohet nga Anglia për në Egjipt.

9 prill 1961, Mbreti Zog ndërron jetë në Paris.

15 prill 1961, Princi Leka shpallet Mbreti Leka i Shqiptarëve.

7 tetor 1975, Mbreti Leka martohet me znjsh. Susan Cullen Ward.

10 tetor 1975, zhvillohet në Madrid dasma mbretërore.

26 mars 1982, lind në Johanesburg Princi Leka II.

19 nëntor 1993, Mbreti Leka rikthehet në Shqipëri për 24 orë, pas 54 vitesh mërgim.

29 qershor 1997, zhvillohet një referendum për rikthimin e Monarkisë.

28 qershor 2002, Mbretëresha Geraldine dhe Familja Mbretërore kthehen në Shqipëri nga Afrika e Jugut.

22 tetor 2002, Mbretëresha Geraldine ndërron jetë në Tiranë.

17 korrik 2004, Mbretëresha Susan ndërron jetë në Tiranë.

16 qershor 2010, trashëgimtari i kurorës, Princi Leka, shpall fejesën e tij me zonjushën Elia Zaharia, në Paris, Francë.

30 nëntor 2011, Mbreti Leka i Shqiptarëve ndërron jetë në Tiranë.

15 nentor 2012, Trupit i Mbretit Zogu u zhvarros nga varrezat Thiais të Parisit me një ceremoni shtetërore dhe Rojet e Nderit të organizuar përsonalisht nga Presidenti Francez.

17 nëntor 2012, Eshtrat e Mbretit Zog u kthyen në Shqipëri për të përkuar me festimet e 100 vjetorit të Pavarësisë së Shqipërisë.

8 tetor 2016, trashëgimtari i kurorës, Princi Leka II, martohet me zonjushën Elia Zaharia në pallatin e ri mbretëror në Tiranë.